قصة بدوي فن !
بوابة المنتدى
ÇáãäÊÏì
مدونة العصفوري
س.و.ج
المجموعات
مواضيع جديدة
قائمة الاعضاء
أفضل 20 عضو
الدخول
ÃåáÇ æÓåáÇ Èß ÒÇÆÑäÇ ÇáßÑíã¡ ÇÐÇ ßÇäÊåÐå ÒíÇÑÊß ÇáÃæáì ááãäÊÏì¡ ÝíÑÌì ÇáÊßÑã ÈÒíÇÑÉ ÕÝÍÉ ÇáÊÚáíãÜÇÊ ,  ÈÇáÖÛØ åäÇ , ßãÇ íÔÑÝäÇ Ãä ÊÞæã ÈÇáÊÓÌíá ÈÇáÖÛØ åäÇÅÐÇ ÑÛÈÊ ÈÇáãÔÇÑßÉ Ýí ÇáãäÊÏì ÃãÇ ÅÐÇ ÑÛÈÊ ÈÞÑÇÁÉ ÇáãæÇÖíÚ æÇáÅØáÇÚ ÝÊÝÖá ÈÒíÇÑÉ ÇáãæÇÖíÚ ÇáÊí ÊÑÛÈ.
التسجيل
إسترجاع كلمة السر
مواضيع لم يرد عليها
أفضل عشرين مشاركين اليوم
ÃÝÖá ãæÇÖíÚ
ãæÇÖíÚ ÌÏíÏÉ
ÇáÈÍË




 
الرئيسيةاليوميةس .و .جبحـثالتسجيلدخول

كاتب الموضوعقصة بدوي فن !

ãÚáæãÇÊ ÇáÚÖæ
أم الدواااهي


avatar

مشرفه مـــنتــدى الـتـرفـية و التسلية ..
مشرفه مـــنتــدى الـتـرفـية و التسلية ..



ãÚáæãÇÊ ÅÖÇÝíÉ
تاريخ التسجيل تاريخ التسجيل : 02/10/2010

عَدَدَ الَمّشّآرّكآّتّ عَدَدَ الَمّشّآرّكآّتّ : 985

الجنس : انثى

البلد : غير معروف

العمل : طالب

المزاج : استهبل






قصة ولا أي قصة ..
قصة كفاح حقيقية من البداوة
نشرها صاحبها في احدى المنتديات من عدة سنوات..
ولما لا وهم قد تعودو على
الحياة الشاقة وعلى الهمة
والمثابرة إلا ان القصة في
هذه المرة تحتوي
على نقلة قوية من البداوه إلى الحضاره والأحداث الناتجة على هذه النقلة


على فكرة راح تكون القصة على عدة حلقات


صحراء….
بيوت شعر……
270 راس من الغنم……
34 راس من الابل ….(الله يشرفكم)
كلبين لزوم الحراسه…..
وايت ما قديم لزوم تموين الجماعه بالمويه……
الموقع في الربع الخالي …..
مجموعة عوايل بدويه جدا، تنتمي
الى قبيله عريقه من قبايل الجزيره
ساكنين في ها الجزء الصغير جدا
من فضاء الربع الخالي مثل ما ذكرت
. في لهجتنا البدويه البحته نسمي
مجموعة الناس اللي تعرف بعض
وساكنين في نفس المكان في البر
نسميهم (جماعه). ولدت في البدو وعشت وربيت……
الغريب جدا ان ابوي الدكتاتوري القوي جدا وافق اني
ادرس رغم اني اصغر اخواني الاربعه
اللي يعتبر اكثر واحد مثقف فيهم
خريج صف ثالث ابتدائي مكافحه.
انا درست وما راح اقول لكم المآسي
والبلاوي اللي كنا نواجهها بس
على شان نروح او نجي للمدرسه ،
ما بالكم بغيرها . على العموم
خلصت الثانوي-علمي، واللي حولي
كلهم كانوا يقولون اني عبقري وفعلا
خلصت الثانوي بتقدير امتياز
وكانت النسبه 97 في الميه.
طبعا النتايج اخذناها من
المدرسه بعد كل الناس
ما خذوها اللي بالتلفون
واللي بالجرايد وغيرها.
النتايج كانت تظهر في
الجرايد واكثر الناس تقريبا تعرفها
منها ، بالنسبه لنا ما نعرف شي اسمه
جرايد ولا نعترف بها ....طبعا ممكن
تقيسون على هذا باقي وسايل الاعلام
مثل التلفزيون اللي كان جدتي الله
يرحمها اذا جابوا طاريه الناس اللي
يجون من المدينه كانت تسميه (النصراني).....
الراديو او الرادي مثل ما نسميه كان
هو الوحيد الموجود......رادي روسي قدييييييم
مره وكان موجود بس عند واحد
من الجماعه يشغله للصبح على شان
يسمع الناس القرآن. واحد من اعمامي
كان هو الوحيد اللي موظف في المدينه
وكان يروح لشغله(كان يشتغل خوي فى الاماره)
اسبوع ويجينا سبوعين وكان عنده
سياره حوض وكل اسبوع اذا
كان موجود ياخذ الشيبان ويروحون
يصلون الجمعه وكان يمر على الاماره
ويشيل كل الجرايد اللي هناك لأن اكثر الناس
ما تاخذها ويجيبها ...طبعا ماهو بثقافه
والا زود علم لانه مايعرف يقرا اصلا
بس كان جزء منها نفرشه سفره والجزء الباقي
تاكله الغنم (تصدقون.....يعني غنمنا مثقفه اكثر منا)....
نتيجة الثانوي كانت في بعض
ها الجرايد ومع ذلك ما درينا عنها.
ذاك اليوم يوم اني اخذت النتيجه وجيت
اول واحد قابلته ابوي قلت له(يبه يبه ابشرك نجحت بممتاز)
عارفين وش قال لي ....
قال : بركه افتكينا من هالدراسه ....
يالله يالله خلنا نروح نجيب (الفاجر)
من عند فلان. انتهى كلام ابوي.....طبعا الفاجر
هو اسم بعير كان الوالد يعزه كثير
وبدون مبالغه كان يعزه ويعز بعض
الحلال اكثر منا حنا يا عياله. على
العموم قلت له
ابشر بس خلني اسلم على امي
ودخلت وسلمت عليها وعلى خواتي وبشرتهم .....
.قالت امي بسوي لك براد شاهي (جايزة النجاح)....
الشاهي في ذاك الوقت كنا نعتبره شراب
الارستقراطيين لان وجوده كان نادر جدا
وكانت القهوه العربيه هي المشروب الرسمي....
الاكل طبعا كان بسيط ثلاثه او اربعه اشياء
رئيسيه تدخل في عمل عدة اصناف ...
الاشياء الاساسيه هي :البر...اللبن...اللحم...
التمر(الرز ما كان موجود بتاتا مو
لان حنا ما نعرفه بس كنا ما نحبه) .
على العموم رحت مع الوالد ورجعت بسرعه
وطول الطريق رايح جاي وانا تفكيري
في الشاهي.....(لاحظوا
>واحد مخلص ثانوي علمي وجايب
ممتاز ويفكر بس في الشاهي.....*******؟؟؟) .....
رجعت حصلت الوالده والبنات جهزوا الشاهي
وسووا خبز البر على الصاج.....
وقمنا نشرب من ها الشاهي ونغمز
من ها الخبز ما راح اقول لين شبعنا بقول لين خلصناه......
طبعا شاهي الباديه دايم يسوونه
على النار ويزودون السكر لان
الاكلات الحاليه عندهم قليل جدا....
وطبعا شاهي امي كان (عسل مره)
من كثر السكر......وذاك اليوم طبعا قضيت اكثر
الوقت خارج البيت ماهو لاني ابغا
اتمشى ولا فرحان بعد الامتحانات لا والله من المغص
اللي ذبحني بعد الشاهي.......................






ÊæÞíÚ ; أم الدواااهي

ãÚáæãÇÊ ÇáÚÖæ
أم الدواااهي


avatar

مشرفه مـــنتــدى الـتـرفـية و التسلية ..
مشرفه مـــنتــدى الـتـرفـية و التسلية ..



ãÚáæãÇÊ ÅÖÇÝíÉ
تاريخ التسجيل تاريخ التسجيل : 02/10/2010

عَدَدَ الَمّشّآرّكآّتّ عَدَدَ الَمّشّآرّكآّتّ : 985

الجنس : انثى

البلد : غير معروف

العمل : طالب

المزاج : استهبل






الحلـــــــــــقه الثانيـــــه




مرحبا بالجميع……
بدت اجازة الصيف وما تتخيلون
والله العظيم كل الهم كان بامور
الحلال والرعي والبحث عن اماكن
جديده فيها مراعي وتزين للسكن……
قبل نهاية الاجازه بحوالي شهر ونص
كان فيه عزيمه في بيت عمي (المناسبه كانت ختان)
البدو عادة يحتفلون بختان الذكور……وفي ها المناسبه
جاونا ناس من جماعتنا الحضر وكان معهم مجموعه
من عيالهم اللي هم اصلا كانوا زملائي في المدرسه.
ذاك الليل كان ها الشباب ما لهم كلام الا
التسجيل بعد الثانوي ……(وين سجلت …؟…وين بتروح…..؟؟….وش ناوي عليه…؟؟…)
يعني من ها القبيل …وطبعا اخوكم اللي هو انا نايم في العسل ومشغول بحلال ابوه …..
ومعني نفسي ذاك الليل بصب القهوه للضيوف. راحوا الدفعه الاولى يتعشون اللي
هم الشيبان ومتوسطين السن…وبقي الشباب…..طبعا ما هو احترام او
تقليد لكن الحضور اكثر بكثير من العشا..!!!. كانت فرصه اني اسولف
انا والشباب اللي كانوا زملاي في المدرسه….وقاموا يشجعوني
ويقولون معدلك عالي وكل الجامعات والكليات بتقبلك …..
وحرام تضيع ها الفرصه…..وقالوا بعد… ان التسجيل بدا وانهم
راح يمشون بعد اسبوع مع بعض يسجلون اللي في الرياض
واللي في جده واللي في الشرقيه. والله انا بديت افكر…..
يعني لازم اكمل دراستي وايش يعني لو كملت؟؟؟…
.طيب وحلالنا وعيشتنا….ابوي اخواني…امي…..اهلي …جماعتي…….
وهذا كله كوم ومفاتحة الوالد في الموضوع كوم………هذي والله البلشه.
فكرت في الموضوع وقلت ليش لا خلني اجرب يمكن يكون
في مواصلة الدراسه خيره،
وبعدين لو فشلت او ما عجبني الوضع برجع وما وراي احد
بيقول لي شي بالعكس الوالد ابرك ما عنده اذا رجعت…
هذي خلصنا منها..زين الحين الوالد وشلون نوصله وهو
اللي يا الله خلاني ادرس جنبه في نفس المدينه ما بالكم
اذا قلت مدينه ثانيه….فكرت وشفت ان احسن شي اني اوصله
عن طريق شخص غيري. رحت لعمي الموظف راعي الجرايد ا
للي قلت لكم عنه وقلت له الموضوع وكان اصغر من ابوي بس
العلاقه بينهم قويه وقلت له على الموضوع….طبعا في البدايه
حاول يقنعني ان الدراسه ما فيها خير واحسن لك تجلس
عند ابوك وتنفعه وتنفع حلاله ….وتعرس وترتاح……
واذكر انه قال لي بالحرف الواحد….(ياولدي وش تبي من الدراسه
تراها ما نفعت اللي ضيعوا حياتهم في الطراد وراها…..
وبعدين انت معك منها خير وش عاد تبي….) كلام منطقي صح..؟؟؟؟؟؟!!!!!!!….
ضغطت عليه وقلت له الوالد عنده خواني وفيهم خير وانا بس بطلع اجرب
اذا ما ارتحت برجع، والوالد بعد قوي ويقدر على تصريف حياته بنفسه…..
المهم قال لي….(خلاص بنشوف)….انا طبعا طلعت في راسي وقلت له
التسجيل بيبدا ولازم امشي الاسبوع الجاي واللي يجي متأخر ما
يسجلونه وبعدين ابا اطلع مع العيال (زملاي). قلت له الليله بعد صلاة المغرب …
وبصراحه وافق بس ببروود ومن غير اقتناع. صلينا المغرب وكان اصعب مغرب
في حياتي لدرجة اني الى الحين ما ادري صليته ركعتين ولا ثلاث……ا
لخوف ما هو من ان الوالد ما يوافق..الخوف من انه يتوطا بطني …
وانتوا ما تعرفون ابوي فنان مرره في ها الحركات. بعد الصلاه
جبت القهوه وصبيتها والعم كان ناسي بس يوم شافني اصب
القهوه تذكر واخذ الوالد على جنب وقال له الموضوع وما ادري
العم كان معي ولا علي. نادوني معهم وهنيا بدت العظام ترقل ،
قال ابوي وش ها الكلام وش تبي بالدراسه …
وحلالنا ….(لاحظوا الحلال دايم يجي في المرتبه الاولى …
يعني اتوقع لو خروف من الحلال بيطلب من ابوي يسفره
لامريكا يدرس بيسويها لانه يعزه مره…؟؟؟!!) ….
ما دريت وش اقول …استجمعت كل القوى اللي عندي
وقلت كل اعيال الجماعه بيروحون يدرسون برا (مدن ثانيه)….
(وعلى فكره البدو احيانا يسفهون الحضر وما يبونهم يتقدمون عليهم)
قال لي من العيال؟ قلت عيال جماعتنا اللي بالمدينه ….
قال لي طيب كم بتجلس ووين بتروح…؟.قلت مادري تعتمد
على المكان اللي بسجل فيه. يوم شاف اني مصمم …
اسمعوا وش قال ….! قال (طيب ليش ما ترجع
لمدرستك لوله وتكمل فيها…..)…..لاتعليق….!
بعد محاولات وضغط من طرف اخواني …امي اللي
ما كانت اصلا مستوعبه الفكره ولا مصدقتها بس
كانت معي…..ابشركم وافق…… ..
وفي المره الجايه بكمل لكم مواقف الطياره …..والبحث عن المستقبل.


الى اللقاء في الحلقة القادمة







ÊæÞíÚ ; أم الدواااهي



[/center]




ãÚáæãÇÊ ÇáÚÖæ
روبن


avatar

عصفوري متالق
عصفوري متالق



ãÚáæãÇÊ ÅÖÇÝíÉ
تاريخ التسجيل تاريخ التسجيل : 09/09/2010

عَدَدَ الَمّشّآرّكآّتّ عَدَدَ الَمّشّآرّكآّتّ : 387

الجنس : ذكر

البلد : البحرين

العمل : طالب

المزاج : مستمتع






مشكوووورة اختي على القصة الجميلة



بانتظار التكملة باحر من الجمر

تقبلي مروري

روبن






ÊæÞíÚ ; روبن
 

قصة بدوي فن !

صفحة 1 من اصل 1

alasfoory ÇáßáãÇÊ ÇáÏáÇáíÉ
ãäÊÏíÇÊ ÇáÚÕÝæÑíÑÇÈØ ÇáãæÖæÚ
alasfoory bbcode BBCode
alasfoory HTML HTML ßæÏ ÇáãæÖæÚ
صلاحيات هذا المنتدى:لاتستطيع الرد على المواضيع في هذا المنتدى
منتديات العصفوري :: » (ஜ♥ أَبَج ـــدِيَآت الْحَ ــــــرِف و الْكَـــلِــــمَة ♥ஜ) « :: كَآن يَآ مَكَآن فِي قَدِيْم الْزَّمَان ..-
© phpBB | منتدى مجاني | منتدى مجاني للدعم و المساعدة | إتصل بنا | التبليغ عن محتوى مخالف | احدث مدونتك